Прекрасна, непредвидлива, слободоумна, мирна, чудна, ексцентрична, пријатна, искрена, квалитетна, иновативна, забавна, оптимистичка, оригинална - тоа е таа, жената Водолија.
Дел од нејзината привлечност лежи во нејзината неразбирливост и невоздржаност - често е тешко да се разбере и сфати, но тоа е затоа што жената Водолија е секогаш само своја. За неа не важат стереотипите и невозможно е „да ја ставите во категорија“ бидејќи е отворен неконформист и бега од општествените правила и норми. Секогаш работи сама и не сака кога другите ѝ кажуваат што да прави.
Од друга страна, оваа жена хуманитарец има големо срце и секогаш е подготвена да помогне, без разлика дали се работи за финансиска, емотивна или каква било помош. Сака напредок, но на личен план не сака промени. Таа е многу приврзана за своето минато и спомените кои ги чува како свое најголемо богатство, а лојалноста ја носи на едно ново, подлабоко ниво - не само да му остане лојална на својот партнер, туку и на одреден бренд, продавница, ресторан, тим, пејачка... во добро или зло.
За жената Водолија, животот е игра во која секој игра според своите правила. Кога станува збор за љубовта, тие ќе се погрижат играта да биде особено забавна и никогаш досадна. Но, нејзиниот лесен поглед на животот и љубовта не значи дека таа лесно се заљубува. Напротив, ѝ треба време да се поврзе со некого емотивно и да ѝ верува на друга личност.
Кога е во врска, таа ја цени својата независност, слобода и „простор за дишење“ повеќе од било што друго (што се совпаѓа со нејзината припадност во групата воздушни знаци), а тоа му го дава и на партнерот. Водолијата секогаш ќе чува дел од себе што нема да им го открие на најблиските.
Оригинална и непредвидлива, на партнерот ќе му пружи задоволства за кои претходно не ни знаел дека постојат. За неа нема кочници во спалната соба, сака да експериментира и со задоволство ќе проба сѐ, па дури и секс во јавност. Нејзини идеални партнери се Вага, Близнаци, Стрелец и Овен.
Додека оди по улица, таа одвреме-навреме ќе застане за да се поздрави со луѓето што ги познава. Поради тоа изгледа дека е пријателка со сите, но тоа се всушност познаници и драги луѓе кои ја сакаат бидејќи жената Водолија сака да биде во добри односи со сите и да бега од конфликти и кавги.
Што се однесува до пријателите што им дозволува целосно да ѝ се доближат, може да ги изброи на прстите од едната рака. Таа лесно може да биде резервирана кога се во прашање нејзините вистински чувства, поради што нејзиниот круг на вистински пријатели е многу тесен.
Таа е дарежлива и секогаш е тука кога им треба на пријателите. Жената Водолија се дружи со луѓе со кои ја споделува љубовта кон независноста и интелектуалните определби и аспирации. Ова е жена која секогаш можете да ја побарате за искрен совет и која секогаш ќе ги има вистинските утешни зборови.
Суптилна и шармантна насмевка, спуштени очи, привлечен нос, силна вилица, дупчиња на образите, мека кожа, темна, густа коса и грациозен став, се некои од карактеристиките на физичкиот изглед на жената Водолија.
Тие не се олицетворение на врвна женственост и страст, тие уште почесто се приклонуваат кон момчешки изглед, но токму затоа се барани во светот на манекенството каде што владее андрогениот изглед. Тие се обично вити и високи.
Блескавите очи им даваат голема живост, но често имаат сериозен израз на лицето. Ги краси чист и артикулиран глас. Сепак, без разлика како изгледа однадвор, без разлика на најсериозниот израз на лицето, ведрата жена Водолија секогаш ќе ужива и ќе биде задоволна внатре.
Не ги следи трендовите, згора на тоа, сака да се носи сосема спротивно од она што е „ин“, па во сезоната кога сите носат мини здолништа, жената Водолија ќе ја препознаете по тоа што носи макси здолниште. Смела и самоуверена, таа сака да привлекува внимание и шокира со својот еклектичен и разновиден моден стил.
Еден ден ќе има светло розова коса и ќе носи ексцентричен накит како пирсинг на лицето, а следниот ден ќе биде облечена во сериозен деловен костум и косата повторно ќе ѝ биде во природна боја. На неа, дури и навидум некомпатибилните парчиња прават добра комбинација, како фина свилена блуза во комбинација со каки панталони. Во нејзината гардероба секогаш ќе има авангардна облека, а фризурите кои ги претпочита често се шик и неконвенционални - во однос на начинот на кој ја потстрижува косата.
Најмногу ѝ прилегаат светли и весели бои како морско сина, тиркизна, светлорозова и смарагдно зелена боја. Убавината без суровост ѝ е мисла водилка при купувањето козметика, поради што избира брендови кои не тестираат на животни, а често знае да прави и природни козметички производи.