Музејот што викендов беше отворен во селото Сопот го одбележува убиството на 60-мина селани во 1944 година, а погрешно беше претставен како музеј на УЧК, рече министерот за надворешни работи и портпарол на ДУИ, Бујар Османи.
Османи, одговарајќи на новинарски прашања, рече дека партискиот лидер Али Ахмети присуствувал како гостин, а прашањата за сопственоста на имотот треба да се упатат до организаторите, иако, според неговите информации се работи за семејно земјиште.
Додаде дека ДУИ нема удел во тоа, туку Ахмети присуствувал по претходно доставена покана.
Според профилот на селото на Wikipedia на албански и англиски јазик, на 3 и 4 ноември 1944 година македонските партизани убиле 64 (некаде 66 и 68) локални Албанци на возраст од 13 и повеќе години. Податоците се малку нејасни бидејќи на едно место се споменува дека убивале и српки четници.
Од претходно во селото постои споменик со имињата на убиените жители.