Основниот суд Скопје 1 Скопје потврди во писмена изјава дека на барање на Специјалното јавно обвинителство (СЈО) бил извршен претрес во домот на сега починатиот Коста Крпач.
„На почетокот на месец април 2016 година од страна на Судија на претходна постапка организиран криминал и корупција по барање на Обвинителството за гонење кривични дела поврзани и кои произлегуваат од незаконското следење на комуникациите , издадена е наредба за претрес во домот на К.К., а претходно за правно лице чиј сопственик во одреден период е истиот, односно по барање на СЈО, Судија на претходна постапка организиран криминал и корпуција има издадено и наредба за одземање на документи од Централниот регистар на Р.М. од две фирми ( меѓу кои за една во одреден период како сопственик се јавува К.К. ) за кој настан во јавноста беше лиферувана информација дека „Централниот регистер на Р.М. е под опсада“, информираат од Судот.
Воедно, Основниот суд Скопје 1 Скопје велат нема да ја коментираат акцијата на СЈО и нивните „оперативно тактички мерки на клопка и заседа на институциите повикувајќи се на судски наредби и анонимни дојави коишто повеќе наликуваат на холивудско сценарио, а не на сериозно и посветено извршување на функцијата на еден орган како што е СЈО“, стоеше во соопштението до медиумите на скопскиот Судт, во врска со активностите на СЈО спроведени во Централниот регистар.
