Најмалку 72 лица, од кои 20 деца, загинаа во сириската провинција Идлиб од вдишување на отровни гасови по воздушниот напад на бунтовничкото упориште од страна на сириската армија.
Додека Западот го обвинува сирискиот претседател дека неговата војска користи хемиско оружје, Русија, сојузникот на сирискиот режим тврди дека нападите биле извршени врз складиштето за хемиско оружје кое припаѓа на бунтовниците. Додека светските сили се обвинуваат едни со други, точно е дека голем број на невини жртви загинаа во страшна болка, а многу од нив се уште се борат за својот живот, откако биле подложени на страшни токсични гасови.
Светската здравствена организација соопшти дека жртвите на нападот покажуваат симптоми слични на оние предизвикани од нервен гас. Како што е наведено, веројатноста за изложеност на хемиски напад е голема поради недостигот од надворешни рани. Доктор Мохамед Мансур испрати клип од болницата каде што ги лечи отруените луѓе и вели дека е 90 отсто сигурен дека се користел отровен гас сарин.
„Врз основа на нашето искуство, со 90 отсто сигурност можам да кажам дека гасот сарин бил користен против овие цивили“, рече тој.
Овој доктор лечеше околу 100 луѓе веднаш по нападите и меѓу неговите пациенти има голем бројот на деца. Саринот е високо токсично хемиско оружје што може да убие во рок од неколку минути и е 26 пати посмртоносен од цијанидот.
Жртвите го дишат овој гас, кој е без мирис и безбоен и првите симптоми се течење на носот, болка или притисок во градите, потешкотии во дишењето, а потоа губење на контролата на телесните функции, повраќање и губење на свеста.
Во нападот од воздух во провинцијата Идлиб загинаа најмалку 72 лица, а десетици беа повредени, според Сириската опсерваторија за човекови права. Меѓу жртвите најбројни се цивилите, вклучувајќи најмалку 20 деца на возраст од осум години.
Саринот е еднакво опасен ако се вдишува или ако се случи допир до кожата. Дури и концентрација на пареа е доволна за да навлезе побрзо во кожата. Луѓето кои се изложени на сарин, ако не добијат соодветен третман може да имаат последици за цел живот.
Смртта може да уследи само неколку минути по директното вдишување на само 0,01 милиграми на килограм телесна тежина, ако во краток рок не се обезбеди противотров, обично атропин. Тој е едно од најчесто користените хемиски оружја, иако е класифицирани како оружје за масовно уништување и неговото производство и складирање е забрането во 1993 година.
