Земјоделец од Кентаки станал милионер преку ноќ откако во своето поле со пченки пронашол ретки златни монети чија вредност се проценува на повеќе од милион долари.
Ископал повеќе од 800 златници од времето на Граѓанската војна кои датираат од периодот помеѓу 1840 до 1863 година. Снимката од неверојатното откритие го објави GovMint, куќа специјализирана за продажба на монети.
Вредноста на златните монети е повеќемилионска, а се проценува дека можеби биле закопани како резултат на државната декларација за неутралност на државата Кентаки за време на Американската граѓанска војна.
„Најневеројатното откритие во ова закопано богатство се околу 18 златници од по 20 долари од 1863 година. Тоа се монети кои на аукциите често достигнуваат шестоцифрена цена“, наведува страницата на GovMint и додава дека кованите монети се во одлична состојба.
Откритието било откопано близу малото гратче Раселвил во американската сојузна држава Кентаки.
Монетите се веќе продадени, но GovMint нема откриено за која сума.
