Македонија

Откриени 32 мигранти кај Радовиш

17. февруари 2020 - 16:07 | МИА

Нова тура шверц со мигранти откри македонската полиција, овој пат се работи за триесет и двајца откриени на локален пат близу Радовиш.

На локалниот пат меѓу селата Калуѓерица и Подареш, Радовишко, синоќа околу 19:30 часот полициски службеници од Полициската станица Радовиш пронашле товарно моторно возило Ford Transit со гостиварски регистарски ознаки во кое имало 32 мигранти, соопштија денеска од СВР Струмица.

Од пронајдените мигранти 9 биле од Авганистан, 14 од Пакистан, 7 од Египет, еден од Индија и едно лице од Турција.

– Возачот побегнал од местото пред доаѓањето на полициската патрола, а по наредба на јавен обвинител мигрантите ќе бидат сместени во Прифатниот центар за странци „Гази Баба“ во Скопје и во Прифатниот транзитен центар „Винојуг“ во Гевгелија, се додава во соопштението на полицијата.

Полицијата презема мерки за расчистување на случајот.

Коментирај