Замислете дека имате пријателка која многу ја сакате, ѝ доверувате тајни, спремни сте да направите сѐ за неа, а таа... Таа негува негативни чувства кон вас.
Психолозите тврдат дека постојат знаци кои можат да ни укажат дека сме опкружени со неискрени пријатели. Обрнете внимание на следните работи, тие можат да ви помогнат да откриете дали вашите пријатели се навистина пријатели.
1. Кога неа ѝ е тешко може да ви се јави сто пати на ден. Меѓутоа, кога ви треба рамо за плачење - никаде го нема.
2. Внатрешното чувство ви кажува дека не треба да ѝ верувате. Слушајте го вашиот внатрешен глас дури и кога не можете да најдете рационално објаснување за тоа.
3. Често ви дава коментари поради кои се чувствувате лошо.
4. Кога вие сте среќни, таа не е, но кога ви се случуваат лоши работи, таа блеска.
5. Кога малку ќе размислите, сфаќате дека сите ваши разговори се вртат околу неа, нејзините проблеми, нејзиниот живот, а вие сте секогаш во втор план.
6. Сте слушнале дека ве озборува и кажува работи зад вашиот грб.
7. На социјалните мрежи пишува суптилни навреди за вас и другите заеднички пријатели. Таа има негативен коментар за секој ваш статус.
8. Забележувате дека повеќе не сте опуштени во разговорот со неа и дека треба да внимавате што зборувате, а што не.
9. Зборува со вас како да сте мало дете, не ве сфаќа сериозно.
10. Не брза да одговори на вашите пораки, мејлови, повици, освен кога нешто ѝ треба.
11. Толку многу ве критикува (за ваше добро) што често се прашувате на чија страна е.
12. Можеби е прониклива, но во исто време и нетактична (како воопшто да нема сочувство). Кога ќе ѝ се доверите, таа ќе ви даде многу совети за да ве убеди дека всушност грешите.
13. Секоја добра вест што ќе ја споделите со неа - ја упропастува. Ако сте ослабеле 3 килограми, ќе се обиде (преку шега) да ви спомне дека треба да изгубите уште толку ако не сакате саканиот да ве остави.
