Шпанскиот напаѓач Пако Алкасер летово беше пратен на позајмица од Барселона во Борусија Дортмунд, каде требаше повторно да ја пронајде голгетерската форма. Во Германија го направи токму тоа и го импресионираше раководството на „милионерите“, па тие решија да го направат трансферот перманентен.
Од денеска, Пако Алкасер е нов играч на Борусија Дортмунд, откако германскиот клуб ја плати цената од 23 милиони евра која Барселона ја бараше за него.
Откако се мачеше да се пробие во тешкото опкружување во Барселона, Алкасер реши дека најдобриот чекор кој може да го направи за доброто на неговата кариера е да се пресели во Дортмунд, каде со тимот на Борусија ќе се обиде да стигне до титулата во Бундес лигата.
Во само осум натпревари, тој постигна 9 гола иако често влегуваше од клупата наместо да биде стартер. Неговиот просек вели дека тој постигнува гол на секои 44 минути, што е најдобриот просек од сите играчи во Европа кои одиграле повеќе од 3 натпревари.
„Денеска ја известивме Барселона дека ќе ја активираме откупната клаузула на Пако (Алкасер). Тој е посветен на нашиот клуб и брзо се интегрираше како клучен дел од составот на тимот. Се надеваме дека во наредните години ќе бидеме сведоци на уште повеќе голови и успеси со него“, изјави спортскиот директор на Борусија Дортмунд, Микаел Зорг.