На 46. церемонија на People’s Choice Awards, Џенифер Лопес е прогласена за икона на 2020 година, а наградата ѝ ја додели публиката преку онлајн гласање.
Ова признание го доби во чест на нејзината повеќедецениска кариера, од настапот на полувремето на Super Bowl 2020, па до улогата во култниот биографски филм „Selena“ од 1997 година.
Таа одржа емотивен говор кој им го посвети на девојчињата на сите возрасти, од целиот свет.
„2020. не беше шега, зарем не? Мислам дека пред 2020 година бевме опседнати да бидеме номинирани за оваа награда или за друга, но ова не важеше за оваа година. Оваа година ни покажа што е важно, а што не. Луѓе, сите сме заедно во ова. Да си помагаме едни на други, да се сакаме, да бидеме љубезни едни кон други. И важноста на таа поврзаност. Сфатив дека тежнеам кон тоа“, рече Лопес.
Порача дека надежта ја мотивира да продолжи и понатаму во тешките моменти.
„Понекогаш кога сум уморна, како повеќето од нас оваа година, моето семејство, пријателите, моите деца и моите фанови ми помагаат повторно да се издигнам. Благодарна сум што ве имам во својот живот“, вели таа.
Џеј Ло нагласи дека ова е најубавата награда што ја добила.
„Ја прифаќам оваа награда со голема благодарност и се надевам дека наскоро ќе живееме обединети и горди и во хармонија“, порача Лопес.
