Сите знаеме за „зимската тага“, но депресија и анксиозност можат да се појават и во лето, а имаат исто име – сезонско афективно нарушување.
Станува збор за зачестен облик на депресија кој се манифестира со опаднато ниво на енергија кај личноста. Тоа предизвикува симптоми како недостиг на волја, лошо расположение, раздразливост и помала потреба за какви било контакти со други луѓе.
Недостигот на сонце не само што ќе го намали нивото на витамин Д во телото, туку и ќе го намали производството на серотонин, невротрансмитер одговорен за регулирање на расположението. Овој синдром често доведува до прекумерно производство на мелатонин, хормон кој предизвикува поспаност.
Бидејќи ова е поврзано со недостиг на сонце, како се случува во лето? Постојат повеќе причини, а понекогаш се работи за депресија која трае од зимата.
Кои симптоми откриваат дека станува збор за ова нарушување?
Овој симптом се појавува и кај депресијата, па понекогаш е тешко да се разбере за што станува збор. Но, ако забележите дека почесто плачете на реклами и филмови, тоа може да биде знак дека нивото на серотонин не е во рамнотежа во организмот.
Дали чувствувате дека психички не сте присутни ниту во една ситуација или не можете да спиете? Ако сте уморни и од најмал напор, тоа може да биде сигнал на сезонско нарушување.
Без квалитетен сон ќе се чувствувате многу поуморно во текот на денот, а сезонското нарушување може да биде причина за тоа.
Кога осаменоста се претвори во изолација, се создаваат многу проблеми. Ако ги избегнувате другите луѓе, тоа може да биде симптом на сезонско нарушување.
Секој поинаку ќе реагира на ова нарушување, некои можат да имаат благи симптоми додека други големи проблеми. Ако имате мисли за самоубиство, веднаш побарајте помош од експерт.
Како да си помогнете?
Прво, воспоставете навика на квалитетно спиење. Организирајте се подобро, трудете се да си легнувате и будите секој ден во истото време. Избегнувајте дремење во текот на денот, намалете ја физичката активност пред спиење.
Излегувајте почесто на сонце, доволно е да минете 30 минути дневно за да го обновите витаминот Д.
Внимавајте што јадете, подобро е да внесувате разновидна храна богата со минерали и витамини кои позитивно ќе влијаат на чувството на умор.
