Денеска во Каталонија се одржува референдум за независност на шпанската покраина, наспроти забраната на шпанската Влада и на Уставниот суд.
Дефанзивецот на Барселона Жерар Пике никогаш не ги криел неговите политички ставови и меѓу првите ја поддржа одлуката за одржување референдум.
Меѓу нив е и Пике, кој во Барселона ја изврши својата граѓанска должност.
„Гласав. Заедно сме незапирливи во одбрана на демократијата“, порача тој на Twitter.
На референдумот гласаше и поранешниот капитен на Барселона Карлес Пујол , кој исто така преку Twitter јасно порача: „Гласањето е демократија“.
Легендарниот Чави, пак, преку видеопорака побара од шпанските власти да ги повлечат полициските сили и да ги пуштат луѓето да гласаат.
Шпанските медиуми објавија дека натпреварот меѓу Барселона и Лас Палмас што е на распоред во 16:15 часот морало да се одложи, бидејќи челниците на гостинскиот тим на дресовите го отпечатиле знамето на Шпанија во знак на поддршка на власта во Мадрид.
