Голманот на англиската репрезентација го сруши рекордот на легендарниот Гордон Бенкс уште пред да го прими гoлот од слободен удар, со што си обезбеди место во историјата.
Џордан Пикфорд е името кое отсега ќе стои на англискиот рекорд за најмногу минути без примен гол. Синоќа на полуфиналниот дуел со Данска неговата мрежа беше затресена прв пат по 721 минута. Честа ја имаше Микел Дамсгард кој со мајсторија од слободен удар стави крај на серијата.
За потфатот да биде уште поголем говори фактот што рекордот до вчера беше во сопственост на легендарниот Гордон Бенкс, голманот од златната англиска генерација од 60-тите кој беше еден од главните играчи на Англија која во 1966 година го освои единствениот трофеј кога триумфираше на Мундијалот на домашен терен.
Пикфорд со 725 минути го надмина рекордот на покојниот Бенкс кој 720 минути немаше примено гол помеѓу мај и јули 1966 година. Серијата на Бенкс почна од 81 минута на натпреварот со Шкотска кога Џејмс Џонстон постигна гол на 2 април 1966, а ја прекина Еузебио од пенал во 82. минута на полуфиналниот дуел со Португалија од Светското првеснтво.
Серијата на Гордон Бенкс:
Шкотска - Англија 3:4 (Британско првенство / од 82. минута)
Англија - Југославија 2:0 (пријателска)
Финска - Англија 0:3 (пријателска)
Полска - Англија 0:1 (пријателска)
Англија - Уругвај 0:0 (СП 1966 група 1)
Англија - Мексико 2:0 (СП 1966 група 1)
Англија - Франција 2:0 (СП 1966 група 1)
Англија - Аргентина 1:0 (СП 1966 четвртфинале)
Англија - Португалија 2:1 (СП 1966 полуфинале / до 82. минута)
Серијата на Џордан Пикфорд:
Белгија - Англија 2:0 (Лига на нации / од 25. минута)
Англија - Исланд 4:0 (Лига на нации)
Англија - Авастрија 1:0 (пријателска)
Англија - Хрватска 1:0 (ЕУРО 2020 група Д)
Англија - Шкотска 0:0 (ЕУРО 2020 група Д)
Чешка - Англија 0:1 (ЕУРО 2020 група Д)
Англија - Германија 2:0 (ЕУРО 2020 осминафинале)
Украина - Англија 0:4 (ЕУРО 2020 четвртфинале)
Англија - Данска 2:1 (ЕУРО 2020 полуфинале / до 30. минута)
