Француската легенда и поранешен прв човек на УЕФА вели дека распоредот за Мундијалот во Франција во 1998 година бил наместен за да се обезбеди финале на домаќинот против Бразил.
Тоа Светско првенство остана запаметено по хрватската репрезентација која на изненадување на сите го освои бронзениот медал откако ја победи Холандија во натпреварот за третото место, а претходно дојде на чекор од големото финале губејќи од Франција во полуфиналето. Франција потоа стигна до титулата победувајќи со 3:0 против Бразил, во она што многумина уште тогаш сметаа дека е наредено финале.
Франција стана шампион иако претходно не учествуваше на претходните два Мундијала - во САД 1994 и во Италија 1990.
Поранешниот француски фудбалски ас тврди дека жрепката била местена и на други турнири.
Да потсетиме, Платини беше избркан од фудбалските организации откако се откри дека добил поткуп од 1,35 милиони фунти од Зеп Блатер, поранешниот претседател на ФИФА.
„Не работевме шест години додека не се уморевме да го организираме Светското првенство без да направиме некои трикови. Кога играте дома, сакате да уживате во такви работи. Мислите дека другите не го прават тоа за нивните првенства? Франција против Бразил во финалето, тоа беше сон на сите“, открии Платини.
И во жрепката за групите Франција доби прелесна група со Данска и слабите Саудиска Арабија и дебитантот Јужна Африка. Нормално, Франција лесно излезе на крај со сите и убедливо заврши прва во групата.
Ако е точно тврдењето на Платини дека и на другите турнири им се исполнуваат желби на домаќините, тогаш не може да не се сомневаме дека домаќинот на претстојниот Мундијал, Катар, на среќа се паднал во група со Еквадор, Сенегал и Холандија. Сепак, тоа е далеку од лесна група за домаќините и речиси никој, освен веројатно самите Катарци, не очекува дека нивната репрезентација ќе успее да мине во осминафиналето.