Поранешната сопруга на Чарли Шин, актерката Дениз Ричардс, се приклучи на страницата OnlyFans само една недела откако тоа го направи нивната 18-годишна ќерка Семи.
Поранешната ѕвезда на риалити шоуто „Real Housewives of Beverly Hills“ сподели видео на Instagram на кое може да се види како боса оди на плажа облечена во бел фустан. Прерамките на фустанот ѝ паѓаат на раменици истакнувајќи го нејзиното деколте.
„Дали сте подготвени... еве одиме“, напиша 51-годишната Ричардс, додавајќи го хаштагот #onlyfans и им наложи на нејзините 1,4 милиони следбеници да се претплатат на нејзината содржина за 25 долари месечно.
Неколку дена претходно нејзината ќерка, што ја има со Чарли, исто така се придружи на страница за возрасни, која се користи за објавување голи или делумно голи фотографии и видеа по врвна цена.
И покрај нивните затегнати односи, Ричардс гласно ја поддржуваше нејзината ќерка.
„Семи има 18 години, а оваа одлука не се базираше на тоа во чиј дом живее. Сè што можам да направам како родител е да ја водам и да ѝ верувам на нејзиното расудување, но таа одлучува сама“.
Чарли Шин ја обвини својата поранешна сопруга за тоа што нивната ќерка се приклучи на веб-страницата за возрасни.
„Таа сега има 18 години и живее со нејзината мајка. Ова немаше да се случи под мојот покрив“, претходно изјави Шин за Page Six.