Цената на гасот во Европа утрово порасна за 35 отсто, надминувајќи го нивото од 1.400 долари за 1.000 кубни метри, покажуваат податоците на лондонската берза ICE.
Гасот за испорака во март е договорен во холандскиот центар ТТФ по цена од 1.414,5 долари за илјада кубни метри, што е 120 евра за мегават-час, пренесува TASS.
Во исто време, Reuters јавува дека протокот на природен гас преку гасоводот Јамал-Европа кон Полска денеска е преполовен, а засега не се знае дали намалувањето на протокот е поврзано со ситуацијата во Украина, каде Русија започна со специјална воена операција..
Украина е втората голема транзитна рута за извоз на руски гас во Европа, додава британската агенција, наведувајќи дека руската државна гасна компанија Газпром го одбила барањето за коментар.
Пополнетоста на магацините во Австрија е само 17 проценти
Пополнетоста на складиштето за гас во Австрија моментално е меѓу 17 и 18 отсто, што е најниско во ЕУ, но и покрај тоа тој не се плаши од затворање на „руските славини“ поради украинската криза и санкциите против Русија.
Австрија има релативно големи капацитети за складирање на резерви на гас.
Така магацините се со капацитет од 95,5 терават-часови.
За споредба, Португалија има највисока стапка на искористеност од повеќе од 80 проценти, но таа е само 3,57 терават-часови гас.
Големи складишта за гас постојат во Хаџда, каде, меѓу другото, руски Газпром има свои складишта.
Магацини имаат и OMV, RAG, како и Uniper.
Според официјалните податоци, зафатеноста на магацинот на ОМВ на 17 февруари изнесува 21,1 отсто, или 5,34 терават-часови, а зафатеноста на магацинот на РАГ е 19,1 отсто, односно 3,84 терават-часови.
Пополнетоста на магацините на Uniper е 20,7 отсто со 362 терават часови.
Ширум ЕУ складиштата за гас се полни околу 30 проценти. Тоа се вкупно 340 терават-часови.
Во Германија капацитетот за складирање на гас е 31 отсто или 214 терават-часови, во Италија 40 отсто или 198 терават-часови, во Холандија 22 отсто или 144 терават-часови, а во Франција 25 отсто или 128 терават-часови.
Експертите во Австрија посочуваат дека зависноста од рускиот гас мора да се намали и да се бараат алтернативни снабдувачи со гас пред следната зима.