Драмскиот театар Скопје соопшти дека починал македонскиот театарски, филмски и телевизиски глумец и хуморист Димче Мешковски.
„Си замина Мешко.
1945 - 2023
Вечна слава!“,
напишаа од театарот на социјалните мрежи, додавајќи дека комеморацијата ќе се одржи во салонот на Драмски театар на 28 март во 12ч.
Димче Мешковски е роден на 31 октомври 1945 во Скопје. Работел во Драмски театар – Скопје и остварил улоги во многу театарски претстави („Диво месо“, „Солунски патрдии“, „Хамлет од Долно Гаштани“), телевизиски серии („Македонски народни приказни“), радио-драми и хумористични серии („Хихирику“) и играни филмови („Викенд на мртовци“).
Својот глас го позајмувал и при натсинхронизацијата на цртани филмови (Гаргамел во „Штрумфови“), а познат е и по улогата на Дедо Мраз во новогодишните претстави за деца. Добитник е на повеќе награди, меѓу кои и наградата „Војдан Чернодрински“ за животно дело.
