Кончата Ферел, американска актерка позната по улогата на Берта во серијата „Two and a Half Men“, почина на 77-годишна возраст.
Според американските медиуми, актерката починала од компликации предизвикани од срцев удар.
Уште во јули се појавија информации дека Ферел доживеала тежок срцев удар по што завршила на апарати за дишење и дека лекарите се борат за нејзиниот живот.
Кончата го изгради ликот на саркастичната и непопустлива Берта во серијата и според многу фанови, го направи свој, легендарен и неповторлив.
Нејзиниот „работодавач“ во серијата, актерот Чарли Шин се прости од Берта со емотивна порака.
Кончата двапати беше номинирана за Еми награда за улогата на Берта, домаќинка во куќата во која живееше Чарли заедно со брат му Ален и внукот Џејк. За истата награда беше номинирана и во 1992 година, за улогата во серијата „L.A. Law“.
Ќе остане запаметена и по улогите во „Edward Scissorhands“ и „Erin Brockovich“.
Да се потсетиме на најдобрите моменти на Берта во „Two and a Half Men“: