Лиса Мари Присли, единственото дете на кралот на рокенролот Елвис Присли, почина на 55-годишна возраст.
„Со тешко срце морам да ја споделам погубната вест дека мојата прекрасна ќерка Лиса Мари нѐ остави“, изјави Присила Присли.
Лиса Мари, исто така пејачка, била итно пренесена во болница во четвртокот. Медиумите јавуваат дека имала срцев удар. Била пронајдена онесвестена во нејзиниот дом во Калабасас, Калифорнија, изјавија извори за американскиот медиум TMZ.
„Таа беше најстрасната, најсилната жена што некогаш сум ја познавала. Бараме приватност додека се обидуваме да се справиме со оваа длабока загуба“, додаде Присила.
Нејзината мајка не ја коментирашела можната причина за смртта.
Цитирајќи извор близок до Лиса Мари Присли, TMZ објави дека била пронајдена во несвест во нејзината спална соба во четвртокот наутро. Болничарите, исто така, извршијале реанимација и ѝ дале епинефрин за да ѝ се рестартира пулсот.
Лиса Мари Присли е родена во 1968 година и е сопственик на замокот на нејзиниот татко, Грејсленд во Мемфис, популарна туристичка атракција. Таа имаше 9 години кога Елвис почина од срцев удар во Грејсленд во 1977 година на 42-годишна возраст.
Нејзината музичка кариера започна со нејзиниот деби албум „To Whom It May Concern“ во 2003 година. Потоа следуваше „Now What“ од 2005 година, а двата стигнаа до топ 10 на Билборд 200. Третиот албум, „Storm and Grace“, беше објавен во 2012 година.
Во вторникот, Лиса Мари и Присила Присли присуствуваа на Златните глобуси во Беверли Хилс, каде Остин Батлер ја освои наградата за најдобар актер во драма филм за неговата улога во минатогодишниот биографски филм „Elvis“.
