Социјалните мрежи станаа неизоставен дел од нашиот живот. Сепак, не треба да заборавиме дека интернетот не е безбедно место ниту за возрасните, а уште помалку за децата.
Додека многу родители сакаат да објавуваат фотографии и посебни моменти од животот на децата, потребно е да се постават одредени граници. Со објавувањето на некои фотографии премногу ризикуваме. Фотографиите се подложни на крадење, а понекогаш содржат и чувствителни податоци со кои би можеле да ја загрозиме безбедноста на децата
Ако веќе сакате да објавите фотографија од детето, никогаш не споделувајте локација и адреса без разлика дали станува збор за градинка, дом, училиште или места каде детето има активности.
Исто така не објавувајте фотографии на децата без облека, тие се особено ризични и можат да завршат во погрешни раце.
Личните податоци на децата исто така се на листата забранети работи за споделување. Тоа вклучува медицинска документација, фотографии од документи или патна исправа. Многу родители се соочиле со случаи на кражба на идентитет на детето.
Проблемите или предизвиците од однесувањето исто така не се соодветни за социјалните мрежи. Така ги изложувате слабостите на детето во јавноста. Истото важи и за случаите на изливи на бес или казни.
На крајот, бидете внимателни и со групните фотографии. Не секој родител сака да објавува фотографии од децата, затоа се чувствителна содржина и прво треба да добиете дозвола од родителите пред да објавите нешто.
