Основното јавно обвинителство – Скопје поднесе обвинение против скопјанецот кој пет години фалсификувал јавни исправи за домашни и за странски лица.
А.М. (60) од Скопје е осомничен за сторени кривични дека фалсификување исправа и изработување и набавување оружја и средства наменети за извршување кривично дело.
„Во периодот од 2012 до 2017 година осомничениот изработувал разни јавни исправи со невистинита содржина, и тоа лични карти, возачки дозволи, свидетелства за завршено средно образование, судски решенија, пресуди, договори за купопродажба на моторно возило, медицинска документација и слично. Исправите ги изработувал на лажни обрасци, како да се издадени и заверени со печат и потпис од државни и јавни институции од државата“, соопшти скопското обвинителство.
Целта била фалсификуваните јавни исправи натаму да се користат од страна на наши државјани и странци, како вистинити во правниот промет во Република Македонија и во странство.
По предлог од надлежен јавен обвинител, судот донесе решение со кое на обвинетиот му ја продолжи мерката притвор.
