Како што стојат работите ѕвездата на Манчестер Јунатед, Пол Погба, ќе се најде на клупата за резервни фудбалери во натпреварот на неговата репрезентација Франција против Колумбија.
Колумбија е противник на репрезентацијата на Франција во рамките на подготовките за Мундијалот во Русија, натпреварот ќе се игра на стадионот „Франција“, а во него најверојатно нема да го гледаме Пол Погба од самиот старт на натпреварот.
Дидие Дешамп, францускиот експерт и селектор на репрезентацијата, најверојатно ќе го започне мечот во формација 4-4-2, а во тој систем на игра нема место за Пол Погба, најмногу поради слабите партии во дресот на Манчестер Јунајтед во последните неколку недели, како и поради фактот дека има проблеми со тоа да остане фит.
Во тимот од старт на средината на теренот ќе се најдат Канте и Матуиди, а по крилата најверојатно ќе играат Мбапе и Лемар, додека во нападот се очекува да започнат Гризман и Жиру.
Во стартните 11 на Франција за натпреварот против Колумбија би требало да се најдат следниве фудбалери : Лорис, Сидибе, Варан, Умтити, Диње, Канте, Матуиди, Лемар, Мбапе, Гризман, Жиру.
Вториот натпревар во рамките на овие подготовки, Французите ќе го играат против Русија.
