Различни луѓе сакаат различни автомобили, но она што ги поврзува е тоа што тие се ентузијасти кои секогаш сакаат да „ѕирнат“ во напуштените фабрики каде некогаш се склопувале возила на четири тркала.
Токму такво видео е направено на каналот на YouTube Forgotten Buildings, на кое е прикажана напуштена фабрика на Fiat. Станува збор за фабриката во Термини, која беше напуштена во 2011 година, но во неа остана речиси целата опрема. Тука беа произведени некои од најпопуларните модели, вклучувајќи ги легендарните 500 и многу саканата Panda.
Фабриката на Сицилија работи од 1970 година и ги произведуваше моделите Fiat 126, Punto и Lancia Ypsilon, а токму Lancia беше последниот автомобил што излезе од производната лента во ноември 2011 година. Сепак, иако помина долго време, се чини дека не треба многу да се направи за да се врати производството.
Во повеќето случаи, фабриките се празнат набргу по затворањето, но поранешната фабрика на Fiat недалеку од Палермо останува недопрена.
Годишното производство беше 140.000 автомобили. но пред Fiat да ја затвори фабриката, беа искористени помалку од 40 проценти од капацитетот. Како резултат на тоа, фабриката, во која беа вработени 1.800 луѓе, губеше пари.
Според камерманот, фабриката е продадена и повеќе не е достапна. Неколку пати ги менуваше сопствениците, а последен пат беше купена од компанијата Blutec за производство на електрични автомобили. Но, тоа не се случи поради измама од 16 милиони евра.
Фабриката наводно е во процес на демонтирање и ќе биде урната.
