Далечната 1982 година, пет години по нивната венчавка, Доналд и Ивана Трамп ја купиле својата прва вила.
Идниот претседател имал само 35 години, а Ивана имала 33 години кога купиле прекрасна куќа од речиси 2 илјади квадратни метри на полуостров во Гринвич во сојузната држава Конектикат, за 4 милиони американски долари.
Во тоа време, Ивана го реконструирала хотелот Плаза на Менхетен, кој Доналд го купил во раните 80-ти.
Користела слични материјали во украсувањето на нивниот нов дом, создавајќи резиденција покриена со златни листови и елегантни лустери.
Кога се развеле во 1992 година, Ивана при делба на имотот добила 14 милиони долари, вилата во Гринвич и стан во Трамп Плаза, пишува The New York Times. Таа подоцна ја продала куќата во 1998 година за 15 милиони долари.
Потоа новите сопственици на вилата веднаш почнале со реновирање, додавајќи тениски терени, затворен базен, сауна и апартмани за гости.
Домот вклучува и домашно кино, повеќе тераси и дворови, тениски игралишта и три комплетно опремени апартмани за персоналот.
Потоа во 2015 година вилата беше продадена за 54 милиони американски долари, а потоа сопствениците ѝ ја намалија вредноста на 45 милиони во 2018 година, за повторно да ѝ ја намалат на 38,5 милиони. Во 2021 година, цената ѝ падна на 32 милиона.
