Контролната соба Реактор 4 во Чернобил ги отвора вратите за најхрабрите туристи. По разорната експлозија во 1986 година, контролната соба е сега официјално отворена за туристи, кои мора да облечат заштитно одела и да бидат изложени на радиолошки испитувања по излегување.
Со децении на туристите им беше дозволен пристап само до напуштените училишни дворови, забавни паркови и училници во близина на нуклеарната електрана, додека пристапот до злогласниот Реактор 4 досега им беше дозволен само на научници и новинари.
Но, отсега најхрабрите туристи ќе можат да влезат во контролната соба во која започна најголемата нуклеарна несреќа во светот. Со оглед на тоа што нивото на радијација во внатрешноста на собата и денес е 40.000 пати поголемо од вообичаеното, посетителите ќе мора да носат заштитна облека, кацига, маска и индустриски чизми. Посетата е ограничена на 5 минути, а потоа ќе бидат изложени на тестирање.
Овој потег е дел од владиниот напор за поттикнување на туризмот на тоа подрачје, откако претседателот Владимир Зеленски потпиша декрет со кој Чернобил е прогласен за туристичка атракција.