Актерот Пол Вокер загина во сообраќајна несреќа во ноември 2013 година, но неговиот лик Брајан О'Конер повторно ќе се појави во франшизата Fast and Furious.
Во претстојниот десетти дел од филмската сага наречен Fast X, заедно со Вин Дизел, Мишел Родригес, Лудакрис, Тајрис Гибсон и други, ќе се појави и Вокер, иако тој ќе биде во филмот со помош на CGI, и режисерот објасни како.
Вокер постхумно се појави и во шестото продолжение, за кое не можеше да ги сними сите сцени, па дел од работата на крајот завршија од неговите браќа, кои служеа како дублери, додека неговото лице беше создадено со помош на CGI.
„Ликот на Брајан е многу жив во светот на Fast and Furious, и тој често беше споменуван во претходните филмови. Неговото семејство остана дел од франшизата, но во последното продолжение нема да го гледате Брајан во сегашноста, туку во ретроспектива“, изјави за TotalFilm режисерот Луис Летерие.
Фановите се воодушевени од трејлерот
Да потсетиме, пред неколку дена беше објавен трејлерот за новото продолжение на F&F, во кој главните улоги ќе ги толкуваат Вин Дизел и Џејсон Момоа.
Момоа ќе го игра главниот негативец по име Данте, а покрај Дизел, ќе се појават Шарлиз Терон, Хелен Мирен, Бри Ларсон, Мишел Родригес, Тајрис Гибсон, Лудакрис, Сунг Канг и Натали Емануел.
Филмот ќе почне да се прикажува на 19 мај, а фановите, судејќи по коментарите под трејлерот на YouTube, едвај го чекаат.
„Ме воодушевува што без разлика колку филмови ќе снимат, секогаш едвај го чекам следното продолжение. Лудо“, „Пораснав со овие филмови и искрено едвај чекам да излезе новиот“ , „Ова продолжение изгледа сосема поинаку од претходните, делува поприземјено“, „Едвај чекам да излезе, тоа е мојата омилена франшиза“, „Овој филм мора да се гледа во кино“, се само дел од коментарите.
