Руската полиција изврши претрес на станот на опозиционерот Алексеј Навални, во кој живее неговата сопруга. Во станот се наоѓаат и две канцеларии на неговата организација.
Засега не е познато дали е некој приведен во текот на претресот. Информациите за претресот ги соопштија соработниците на Навални.
Претресите се извршени во време кога пораснаа тензиите поради Навални, кој е уапсен на 17 јануари по враќањето од Германија.
Руската Влада во повеќе наврати негираше вмешаност во труењето на рускиот опозиционер.
Изминатиот викенд во Русија се одржаа протести од луѓето кои го поддржуваат Навални и бараат негово ослободување.
Нови протести се закажани за недела, 31 јануари.