Свет

Полицијата во Тајланд на аукција продаде автомобил полн дрога

26. јануари 2020 - 12:38 | Б.С.Б.

Тајландската полиција за борба против наркотици се извини на јавноста откако случајно на аукција продаде автомобил во кој биле скриени скоро 100.000 таблети амфетамини, пренесува BBC.

Купувачот на Honda CR-V платил 586.000 бахти, а аукцијата е одржана во јануари откако автомобилот бил запленет минатата година. Откако новиот сопственик го однел возилото на механичар за поправки, вработените откриле 94.000 пилули скриени во браникот.

Полицијата порача дека во иднина ќе врши подетални истраги. Пронајдената дрога е во вредност од 180.000 фунти.

Откриените пилули во кутии биле скриени во тајна преграда зад браникот, а се мешавина од метамфетамин и кофеин, релативно евтина дрога која се шири низ источна Азија во текот на  изминатата деценија. Кога возилото било запленето во северната провинција Шианг Раи, на задното седиште биле пронајдени 100.000 такви пилули.

Механичарот и новиот сопственик на автомобилот ќе бидат наградени за соработка со полицијата.

Коментирај