Врховниот суд во Сеул го осуди поранешниот претседател на Јужна Кореја, Ли Мјунг-бак на 17 години затвор поради проневера и мито, пренесува јужнокорејската новинска агенција Yohhap.
Покрај тоа, судот му нареди на Ли да плати парична казна од 15,7 милиони долари.
Обвинителството го обвини за проневера на парични средства на компанија за производство на автомобилски делови, во која беше најголем акционер, како и за примање мито од Samsung Electronics.
78-годишниот Ли претходно отслужи казни под различни обвиненија за корупција и мито. На 22 март 2018 година беше приведен, а осуден беше на 15 години затвор на 5 октомври 2018 година.
Но, во март минатата година беше условно пуштен на слобода поради лошата здравствена состојба.