Поминаа 13 години откако Жерард Пике и Златан Ибрахимовиќ беа протагонисти на фотографија која предизвика многу контроверзии и врева, а што се случи тој ден на клупскиот паркинг, кога и двајцата играа за Барселона, објасни тазе пензионираниот Каталонец.
Пике и Ибра стоеја многу блиску еден до друг, некако во незгодна ситуација како секој момент да ќе се бакнат. Сега, во разговор со Ибаи Љанос во емисијата „After Kings“ на Twitch, Пике беше прашан за оваа култна фотографија и не се двоумеше да ја каже својата вистина.
„На таа фотографија сме на клупскиот паркинг. Таму беше мојот автомобил и имаше папараци. Да сакав да го бакнам Златан, тоа дефинитивно немаше да го направам на клупскиот паркинг. Фотографија е целосно извадена од контекст. Најјако од сѐ беше реакцијата на Златан“, смеејќи се разкажа Пике.
Откако фотографијата излезе во јавност, една новинарка го праша шведскиот напаѓач дали е геј, а Ибра во свој стил ѝ одговори:
„Не, не, ти и сестра ти веднаш кај мене дома и ќе ви покажам дека не сум геј“, рече тогаш Ибра.
Пике и порано имаше кажано што оптприлика се случило. за магазинот FourFourTwo еднаш рече дека станува збор за недоразбирање и дека му пришол на Златан за да му честита по излегувањето на неговата автобиографија, по што фотографот направил фотка во моментот кога се ракувале.
