Постигнат договор за државјанствата, неизвесна работата на Собранието

Владата и опозициските партии на Албанците постигнаа договор за законот за државјанство. Детали ќе се соопштат откако предлогот ќе се стави на хартија, со точни правни формулации. На законското решение ќе работат предлагачите, ќе го достават кај извршната власт и потоа ќе биде претставено пред јавноста. Сепак, сѐ уште е неизвесно кога Собранието целосно ќе се одблокира и кога ќе бидат ставени пред пратенциите на пленарна седница петиот пакет антикризни мерки и точките усогласени меѓу власта и опозицијата.

Премиерот Зоран Заев и претседателите на опозициските политички партии Алијанса за Албанците и Алтернатива, Зијадин Села и Африм Гаши по средбата во Собранието вчера изјавија дека е постигнато решение, а деталите ќе се соопштат откако ќе се стават на хартија.

– Веруваме дека има договор, тоа е вистинската формуалција, затоа што ќе ја видиме кога ќе ја ставиме на хартија. Решение се постигна, и не навлегувам во деталите. Има наративно усно решение, целта е да го ставиме на хартија, а денови се во прашање, само да се стави на хартија, рече Заев.

Според лидерот на Алијанса за Албанците, Села повеќе детали за законот за државјанство ќе бидат објавени најверојатно на почетокот на следната недела.

– Со овој закон ние имаме цел најмалку, минимално, сите граѓани кои што живеат и живееле повеќе од 30 години во Македонија да не останат без државјанство и еднаш засекогаш да го решиме овој проблем. Затоа продолжуваме да сме на добар пат за решавање на овој проблем и се надевам дека многу брзо на почеток на следната недела ќе излеземе заедно со нашиот последен и финален став, кој ќе биде достапен и за јавноста да се знае кои се прашањата за кои сме се согласиле, секогаш водејќи се од идејата дека е важно да се реши проблемот, а не да говориме добри и големи зборови, рече Села.

Во принцип на секој човек што е роден во Република Македонија, матична држава му е Македонија, ја појасни Села позицијата на Алијанса на Албанците и Алтернатива. Измените на законот треба да биде основа за добивање државјанство, вели тој, потенцирајќи дека нивната позиција е на сите што се родени тука да им се констатира дека се државјани на земјата.

Од ДУИ тврдат дека во изминатите години ги олесниле и поедноставиле процедурите за добивање државјанство. Досега, според нив, во постапка за стекнување со државјанство се 2.674 лица од кои помалку од половина се Албанци.

По постигнатиот договор за државјанствата, нема најави кога усогласените точки, а особено пакетот анти-кризни мерки ќе бидат изгласани во Парламентот

За тоа дали ќе се донесе петтиот сет анткризни мерки, премиерот Заев тврди дека има пари во Буџетот за петтиот пакет мерки.

– Пари во буџетот има за реализација на петтиот пакет антикризни мерки. Буџетот е стабилен и има добра наплата и во Управата за јавни приходи и во Царината, изјави Заев. Најави дека се работи на шестиот пакет мерки кој ќе биде насочен кон угостителскиот сектор кој поради рестриктивните мерки не работи во овој период.

Во однос на завчерашните случувања во Парламентот, каде требаше да се донесе петтиот пакет антикризни мерки, Заев упати одговорите да се бараат кај претседателот на Парламентот, замениците и координаторите на пратеничките групи.

Претседателот на ВМРО-ДПМНЕ Христијан Мицкоски вчера изјави дека Талат Џафери како претседател на Собранието треба да најде начин со сите пратенички групи да создаде хармонија и да заврши една работа која е во интерес на граѓаните. Џафери, како што рече, може дома да се однесува своеволно, ама како претседател на Собрание треба да им служи на граѓаните.

– Работава не е игра, луѓето немаат плата земено, затоа треба Џафери да го постави на дневен ред потребното, а не да игра политиканство. Закони кои сакаат да ги поминат на насилен начин, закони во кои не се прифаќа ниту еден амандман. Или договореното на координациите не коресподнира со тоа што се случува потоа, рече Мицкоски.

Засега останува неизвесно кога ќе бидат одржани седниците на кои треба да бидат изгласани законските решенија од пакетот анти-кризни мерки, како и другите точки усогласени на средбата на премиерот Зоран Заев со лидерот на ВМРО-ДПМНЕ Христијан Мицкоски, а потоа и со лидерите на АА и Алтернатива Зијадин Села и Африм Гаши за законот за државјанство.

По завчерашните повеќечасовни расправии за тоа како треба да продолжи да работи законодавниот дом, седница вчера не се одржа. На собраниската веб-страница следната пленарна седница – 39-та е закажана на 21 април, но на дневен ред не се пакетот антикризни мерки и усогласените прашања меѓу власта и опозицијата.

реклама

Како Израел со децении ја презема територијата на Палестина?

Read more

Интересот за вакцинација се зголемува, вчера вакцинирани 14.976 граѓани

Read more

Ескалираа судирите меѓу Израел и Хамас, најмалку 40 мртви

Read more

Кладилничарски идиот на денот

Read more

Македонија

Сијарто: Вашето место е во ЕУ, Унгарија ќе стори сѐ тоа побрзо да се случи

Read more

Уште 30 дена притвор за Камчев, определен притвор и за Груевски

Read more

Дневен ковид-биланс: Новозаразени 7,16% од тестираните, 16 починати

Read more

Пристигнаа 6.000 дози вакцини за имунизација на Граничната полиција, донација од Унгарија

Read more
 

Вести

  • play_arrow

Хамас испука 130 проектили кон Тел Авив

Читај повеќе

За патување на островите задолжителна грчката верзија на „Green Pass“

Читај повеќе
  • play_arrow

Како Израел со децении ја презема територијата на Палестина?

Читај повеќе

Израел: Засега не планираме прекин на огнот

Читај повеќе

Има светло во тунелот: Грција го регистрираше друштвото „Крсте Мисирков“ од Воден

Читај повеќе

Сијарто: Вашето место е во ЕУ, Унгарија ќе стори сѐ тоа побрзо да се случи

Читај повеќе

Уште 30 дена притвор за Камчев, определен притвор и за Груевски

Читај повеќе

Дневен ковид-биланс: Новозаразени 7,16% од тестираните, 16 починати

Читај повеќе

Пристигнаа 6.000 дози вакцини за имунизација на Граничната полиција, донација од Унгарија

Читај повеќе