Брисел, 17 октомври 2019 (МИА) – Постигнат е договор за Брегзит, објави претседателот на Европската Комисија Жан Клод Јункер.
„Каде што има волја, таму има и договор – го постигнавме! Тоа е фер и избалансиран договор за ЕУ и Велика Британија што сведочи за нашата посветеност да се изнајде решение“, рече Јункер.
„Предлагам договорот да биде предложен на самитот на ЕУ“, рече тој според британските медиуми.
Дека има договор потврди и британскиот премиер Борис Џонсон.
„Имаме одличен нов договор“, напиша Џонсон на Twitter.
„Двете страни работеа на текстот за договорот, но нам и натаму ни е неопходна потврда од британскиот Парламент, но и од Европскиот Парламент“, додаде Џонсон.
The Wall Street Journal објави дека, сепак, станува збор само за „груб нацрт“ од договорот за „разводот“ на Велика Британија од ЕУ, како и дека пред преговарачите има уште многу работа околу деталите за усогласување и минување на процедурите низ парламентите.