Американската потпретседателка Камала Харис во четврток ќе ја посети демилитаризираната зона (DMZ) што го одвојува Корејскиот Полуостров, за време на нејзиниот престој во Јужна Кореја, соопшти утрово Белата куќа.
Посетата, како што се наведува, ја нагласува „американската посветеност на заканата што ја претставува Северна Кореја“, а потпретседателката Харис ќе ја почитува „заедничката жртва“ на десетици илјади американски и корејски војници кои заедно се бореа во Корејската војна.
Војната заврши во 1953 година со прекин на огнот, но траен мир никогаш не беше потпишан.
Оваа посета може да го предизвика гневот на Северна Кореја, која ја нарече претседателката на Претставничкиот дом на САД, Ненси Пелоси, која го посети DMZ минатиот август, „уништувач на мирот и меѓународната стабилност“.
Пјонгјанг предупреди дека Јужна Кореја и Соединетите Американски Држави ризикуваат да започнат војна откако двата сојузници во понеделникот ги започнаа своите први заеднички поморски вежби во последните пет години во близина на полуостровот.
Во понеделникот, Харис се сретна со јапонскиот премиер Фумио Кишида во Токио, по повод погребот на Шинзо Абе, а во таа прилика разговараше и со јужнокорејскиот премиер Хан Дак-Су, кој рече дека нејзината посета на DMZ ќе биде „ симболичен израз на посветеноста на САД за безбедност и мир на јужнокорејскиот полуостров“.