Италијанските медиуми објавија дека буџетот предвиден за летни засилувања на шампионот Милан нема да се зголеми од лани, иако клубот доби приходи поради титулата.
Јасно е дека Милан титулата не ја освои на убедлив начин, па затоа и тоа како му се неопходни засилувања во обидот да ја одбрани во претстојната сезона.
Според Il Corriere dello Sport и Tuttosport, трансфер буџетот на Милан нема значително да се промени од лани. Спортскиот директор Паоло Младини ќе има на располагање само 60 милиони евра за нови засилувања, што денес е мала сума во фудбалскиот свет. Додека, пак, Il Giornale тврди дека сумата ќе биде уште помала - 45-50 милиони евра.
RedBird Capital Partners пред некоја недела го комплетираше преземањеро на клубот, но бидејќи дел од буџетот беше финансиран од поранешниот сопственик Елиот, трансфер буџетот за ова лето не може да биде покачен.
Според италијанските медиуми, клупската транфер стратегија ќе остане иста, што значи дека „Росонерите“ ќе целат кон млади и талентирани фудбалери чија вредност потоа може да се покачи под палката на Стефано Пиоли. Се очекува Малдини и Рики Масара да останат во клубот продолжувајќи ги договорите, па и натаму да имаат водечка улога при трансфер политиката. За нив двајца периодов имаше многу гласини дека поради несогласувања со водечките луѓе се на излезна врата од „Меаца“.
„Не се грижам многу околу темата Малдини-Масара, воопшто не се сомневам дека ќе биде постигнат договор со двајцата, што е многу важно за клубот да продолжи по истата патека и во наредните години“, рече претседателот на клубот, Паоло Скарони.