По Лигата на шампионите, синоќа ги дознавме полуфиналните двојки во другите две континентални натпреварувања, Европската и Конференциската лига, а се издвојува невидениот кошмар на англиските претставници.
Иако три од последните пет европски шампиони беа англиски тимови, тимовите од Премиер лигата оваа сезона живееја вистински кошмар во сите натпреварувања.
Во четвртфиналето на Лигата на шампионите се простивме од Манчестер Сити и Арсенал, а синоќа Ливерпул и Вест Хем го видоа крајот во Лига Европа. Така, Астон Вила остана единствениот претставник на Англија во Европа и тоа во најквалитетното европско натпреварување - Конференциската лига.
Ако на тоа се додаде дека Манчестер Јунајтед и Њукасл испаднаа последни во групата од Лигата на шампионите, јасно е колку оваа сезона е тешка за англискиот фудбал. Ова ќе биде првпат по девет години ниту една англиска екипа да нема да игра во полуфиналето на двете најсилни европски натпреварувања.
Синоќа ги дознавме сите полуфинални двојки во Европската и Конференциската лига, а изгледаат вака:
Марсеј - Аталанта
Рома - Баер Леверкузен
Астон Вила - Олимпијакос
Фиорентина - Клуб Бриж
Да потсетиме, во полуфиналето на Лигата на шампионите ќе играат Пари Сен Жермен - Борусија Дортмунд и Реал Мадрид - Баерн Минхен.
