На повидок е разделба на Џенаро Гатузо со Наполи откако премиерлигашот Вулс сака да го види на својата клупа.
Гатузо е на клупата на тимот од Неапол од декември 2019 година и досега на клубот да му донесе еден трофеј и тоа Копа Италија лани, а годинава загуби во Суперкупот од Јувентус.
Италијанскиот дневен весник La Repubblica тврди дека Вулверхемптон Вондерерс веќе му доставил понуда на Гатузо да седна на клупата на премиерлигашот по завршувањето на тековнава сезона.
На Чизмата на големо се шпекулира дека односите помеѓу Гатузо и газдата Аурелио Де Лаурентис се доволно нарушени за стратегот да се раздели од тимот каде настапува и нашиот репрезентативец Елиф Елмас.
Наполи под Гатузо сезонава игра под очекувањата и по 28 кола има дури 8 порази, иако е во игра за место во Лигата на шампионите.
На чело на Вулвс уште од 2017 година е португалскиот стратег Нуну Ешпириту Санту кому по ланската одлична сезона сега не му оди добро и е на 13. место по 29 кола.