Шпанските и француските медиуми се се поуверени дека Килјан Мбапе на крајот на сезоната ќе го напушти Пари Сен Жермен и кариерата ќе ја продолжи во Реал Мадрид.
Тренерот на парискиот тим Луис Енрике тврди дека тоа не е сигурен облог и открива што би можело да го одврати Мбапе и да го условува неговиот престој во Париз.
„Се надевам дека Килјан ќе се предомисли. Да замислиме дека ќе ги освоиме сите четири титули оваа сезона, а тој во последен момент одлучи да остане. А што ако одлучи да остане, дека Париз е неговиот дом? Зошто да не? Ќе видиме“, рече Енрике.
Мбапе има валиден договор со ПСЖ до крајот на сезоната. За францускиот шампион во оваа натпреварувачка година постигна 38 гола на 37 натпревари и имаше седум асистенции. Вкупниот број за Пари Сен Жермен е 250 гола и 106 асистенции на 297 одиграни натпревари.
