Судија на претходна постапка им изрече мерка куќен притвор на праениците притвор на пратениците Жаклина Пешевска, Јохан Тарчуловски и Љупчо Димовски по извршениот распит во кривичниот суд во Скопје. Претходно судот на тројца пратеници – Љубен Арнаудов, Крсто Мукоски и Сашо Василевски им изрече мерка притвор, по што тие со лисици на рацете беа спроведени во Истражниот затвор „Скопје“.
Шетмината пратеници беа повикани на распит во судот за настаните во Собранието на 27 април, откако претходно парламентот го прифати барањето за одземање на нивниот имунитет.
Пратеникот Кристо Мукоски пред влегување во судот кратко пред медиумите рече дека верува во судот и посочи дека нема правна основа да му биде определена мерка притвор. Пратеникот Сашо Василевски, пак, на прашањето на новинарите што очекува денеска, само кусо се заблагодари на поддршката од медиумите.
Тие се дел од 36-те лица што Основното јавно обвинителство ги гони за терористичко загрозување на уставниот поредок и безбедноста во врска со настаните од 27 април годинава во Собранието на Република Македонија.