Македонското Собрание денеска треба да го одржи петтото продолжение на конститутивната седница.
На дневен ред се избор на претседател, заменик на претседателот, членови и нивни заменици на Комисијата за прашања на изборите и именувањата, како и избор на претседател на Собранието.
Изминатите четири дена расправата мина во меѓусебни обвинувања за тоа кој ја прифатил Тиранската платформа, како и во реплики и контрареплики на пратениците од ВМРО-ДПМНЕ.
СДСМ ги обвини претставниците на коалицијата на ВМРО ДПМНЕ дека оневозможуваат избор на претседателот на Собранието со честото и долго јавување на реплики и контрареплики.
Конститутивната седница беше прекината на 30 декември лани, а потоа продолжи пред пет дена.
