Времето денеска претпладне ќе биде променливо облачно со сончеви периоди, а попладне прво во западните, а во вечерните и ноќните часови и во останатите подрачја на земјава ќе биде облачно со повремен дожд.
Наместа врнежите ќе бидат поројни и пообилни, проследени со грмежи и засилен до силен ветер. Локално ќе има услови за појава на невреме.
Максималната температура ќе биде во интервал од 22 до 28 Целзиусови степени.
Во Скопје променливо облачно, а во вечерните и ноќните часови облачно со повремен дожд. Во делови од Скопската Котлина врнежите повремено ќе бидат поројни и пообилни, проследени со грмежи, засилен до силен ветер, а ќе има и услови за појава на краткотрајно невреме. Максилната температура ќе достигне до 23 степени.
Утре и во првите денови од следната недела ќе преовладува претежно стабилно време. Ќе дува засилен до силен северен ветер и температурите постепено ќе опаѓаат.
Сообраќајот умерен по суви коловози, без подолги задржување на граничните премини
Сообраќајот на државните патишта се одвива непречено по претежно суви коловози со умерен интензитет на патните правци надвор од градските средини.
На граничните премини, од македонска страна, нема подолги задржувања за влез и излез од државата.
Регионалниот пат Р1102, делница Велес – Градскo, од средата е затворен за сообраќај поради изведување на градежни работи. Овој патен правец ќе биде затворен во наредните 9 месеци и сообраќајот ќе се одвива согласно одобрениот времен режим на сообраќај.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.