Најстариот човек во светот живее во Индонезија и тврди дека има 145 години. Мбах Гото има 145 години и документи според кои е роден во 1870 година, пишува Independent.
Тој вели дека се подготвува да умре уште од 1992 година, си има подготвено и гроб, но 24 години подоцна тој сè уште е жив. Ги има надживеано четирите сопруги и сите 6 деца, а живи се неговите внуци, правнуци и нивните наследници.
„Сè што сакам е да умрам“, вели Гото за локалните телевизии.
Според неговите документи тој е роден на 31 декември 1870 година. Ако ова е точно тогаш тој ја заслужува титулата за најстар човек на светот, а која сега ѝ припаѓа на Французинката Жан Калмо, која почина на 122-годишна возраст.
Доколку документот официјално не се потврди, Гото не може да влезе во книгата на рекорди. Која е неговата тајна за долговечноста? Открива дека го минува времето слушајќи радио, со оглед на тоа што видот не му е добар и не може да гледа телевизија. Рецептот за долговечност вели дека се крие во трпението.