Вчера ураганот Марија го беше активен на територијата на островот Доминика, каде причини огромна материјална штета. На YouTube се појавија првите снимки од ураганот, кој веќе достигна смртоносна категорија 5.
Официјални податоци за евентуални жртви сѐ уште нема, како ни за висината на материјалната штета. На снимките се слуша силниот и задушувачки звук на ураганот, бродови што се борат со брановите, стебла кои само што не се откорнати…
Единствените официјални информации дојдоа утрово од премиерот на Доминика, кој преку својот фејсбук-профил ја информира јавноста за случувањата на карипскиот остров: „Ве молам, кажете му на светот дека Доминика е уништена“.
Тој, меѓу другото, рече и дека сите со кои успеал да разговара останале без покрив на главата и дека најпрво ќе се упати за спасување на преживеаните.