Претседателот на Русија, Владимир Путин, потпиша одредба за спроведување санкции од страна на Обединетите Нации према Северна Кореја, јавуваат руските медиуми.
Одредбата која ја потпиша Путин се однесува на резолуцијата која беше усвоена на 30 ноември минатата година, како одговор на балистичките и нуклеарни тестови на Северна Кореја.
Документот содржи 11 имиња на личности кои се државјани на Северна Кореја, а кои беа вмешани во нуклеарната програма на оваа земја, и на кои се однесуваат овие нови санкции.
Освен санкционираните личности, на листата се наоѓаат и десет компании, како и забрана за трговија на материјали, технологии и производи кои се сметаат како луксузни, од типот на теписи или таписерии кои чинат повеќе од 500 долари.