Рускиот претседател Владимир Путин му нареди на Министерството за образование да ја интензивира работата со младите од регионите Донецк, Луганск, Запорожје и Херсон и да им ги објасни на учениците и студентите причините и целите на „специјалната воена операција“.
„Одделенијата мора да вршат информативна работа меѓу учениците и училиштата, за да ги објаснат вистинските ‘причини и цели на специјалната воена операција’“, се вели во меморандумот на Путин, како што пренесува рускиот весник „Ведомости“.
Инструкциите беа дадени по состанокот на Советот за односи меѓу заедниците, кој се одржа на 19 мај, а документот беше објавен на веб-страницата на Кремљ. Беше истакнато дека до први октомври мора да се пополнат информациите за студентите и учениците.
По средбата Путин им наложил и на гувернерите да преземат дополнителни мерки за овековечување на споменот на учесниците во воената операција. За овие мерки рокот е 1 септември.
Раководителите на регионите треба да им пружат помош и на регионалните ограноци на јавно-државната организација „Собрание на народот на Русија“. Гувернерите се должни до почетокот на септември да пријават за работата на помошта, а потоа тоа го прават еднаш годишно.