Експертите за фенг шуи се уверени дека секој предмет носи одредена енергија, па така можат и да ја однесат енергијата од домот. Затоа треба да се биде внимателен со позајмувањето и поклонувањето на работи од домот, како и предмети.
Позајмувањето паричници како и чанти се смета за многу неповолно во фенг шуи. Ова се поврзува со одливањето на пари и неочекувани трошоци.
Доколку имате луксузни парчиња гардероба, ова се однесува и на нив. Колку и да е вообичаено некои пријателки да си позајмуваат облека едни на други, во фенг шуи тоа не се практикува. Се советува редовно да ја прегледувате и да ја средувате облеката и да го тргате на страна она што не го носите и она во кое не се чувствувате комотно.
Меѓутоа, таквите парчиња на треба да ги позајмувате, туку од срце да ги поклоните на некоја личност. Тука се подразбира дека облеката треба да ја исперете пред поклонување, да ја испеглате и да ја заштите, ако тоа е потребно. И личноста која ќе ја добие облеката на поклон, треба да ја испере.
Не е добро на други луѓе да ги позајмувате своите папучи, се верува дека тоа може да донесе проблеми на работа, како застој во професионалното напредување. Ако не сакате гостите да ви шетаат со чевлите со кои оделе надвор и да ви го прљаат домот, набавете неколку пара од оние најтенки папучи, како хотелските, кои ќе им ги понудите кога ќе ви дојдат на гости.
Фенг шуи вели дека никому не треба да позајмувате часовник. Кога ќе го вратите на својата рака, со него ќе ја повлечете и сета лоша енергија која можеби ја мачи личноста на која сте ѝ го позајмиле, особено ако таа во моментот се наоѓа во некоја лоша фаза.
