Работнички се раздели со Гоце Седлоски и го замени со Горан Станиќ

Филип Здравески
/ 02.04.2024 / 09:11

По 4 и пол месеци заврши соработката меѓу ФК Работнички и тренерот Гоце Седлоски, соопшти денеска клубот од Дебар Маало кој експресно најде замена во Горан Станиќ.

„ФК Работнички спогодбено се раздели со досегашниот шеф на стручниот штаб, Гоце Седлоски. Со него заминуваат и неговите соработници, Тони Мегленски и Сашко Поповски. Клубот им се заблагодарува за посветеноста и професионалноста и им посакува сѐ најдобро во понатамошните кариери“, известија „Романтичарите“.

Работнички сезонава се мачи, и покрај многуте засилувања грчевито се бори за опстанок, а и двапати загуби во градското дерби со Вардар.

Седлоски на кормилото застана на 14 ноември 2023 и го водеше клубот на 12 лигашки натпревари на кои забележа само 2 победи (над Брегалница и Брера Струмица), 2 ремија (со Струга и Гостивар) и дури 8 порази. Седлоски не успеа да го реши психолошкиот проблем на своите играчи кои под негово водство ги загубија сите натпревари на гостински терен.

Изминатиов викенд Работнички со Седлоски на клупата загуби на гостувањето кај Брера Струмица со 2:1 иако водеше со 0:1, што се чини ја прели чашата кај управата.

Со 8 кола до крајот, Работнички има само 3 бода предност пред зоната за испаѓање и бод пред местото што води во баражот. Пожарот треба да го гаси Горан Станиќ, кој веќе денеска ќе го одржи првиот тренинг. Негови асистенти ќе бидат Баже Лазаревски и Бојан Марковски, а тренер на голманите останува Матеј Миленков. Прв предизвик за Станиќ, патем поранешен играч на Работнички, ќе биде Воска Спорт на гости. Пред назначувањето на Седлоски токму Станиќ беше в.д. тренер и го водеше тимот на два натпревара, а и двата ги доби. Доаѓа од српски Чукарички каде беше помошник. Претходно беше селектор на македонската реопрезентација до 19 и до 17 години.

реклама

Се бараат доброволци за експеримент: За 60 дена ќе добијат 18.000 евра

Read more

Како би изгледала Европа ако светското море се подигне за 100 метри?

Read more

Наутро или навечер - кога е најдобро да земате витамин Д?

Read more

Скопје блеска во новогодишен амбиент среде април

Read more

Фудбал

Легендарниот Малдини во кариерата од само еден играч побарал дрес

Read more

Луис Алберто побарал да го раскине договорт со Лацио

Read more

Скопјани, ајде на стадион: Се игра градското дерби

Read more

Љоренте практикува палео диета

Read more
 

Спорт

Конор МекГрегор се враќа во октагонот

Читај повеќе
  • play_arrow

Лејкерс играле 56 секунди подолго - НБА мораше да признае грешка

Читај повеќе

Легендарниот Малдини во кариерата од само еден играч побарал дрес

Читај повеќе

Шампионката во трискок нема да го брани златото во Париз

Читај повеќе

Луис Алберто побарал да го раскине договорт со Лацио

Читај повеќе

Скопјани, ајде на стадион: Се игра градското дерби

Читај повеќе
  • play_arrow

Јокиќ трагичар во шокантниот пораз на Денвер

Читај повеќе

Заврши регуларниот дел од сезоната во Евролигата

Читај повеќе

Ѓоковиќ одби да одговори на новинарско прашање, тајната на успехот ја чува 15 години

Читај повеќе