Часовник за кој се верува дека му припаѓал на нацистичкиот лидер Адолф Хитлер е продаден на аукција во САД за 1,1 милион долари. Производител на часовникот е Huber, а има кукаст крст и иницијали на Хитлер.
Еврејските лидери ја осудија аукцијата, која беше организирана од страна на аукциската куќа Alexander Historical Auction во Мериленд, но тие ги отфрлија обвинувањата, велејќи дека целта е да се зачува историјата.
Адолф Хитлер беше лидер на Германија од 1933 до 1945 година и организираше и режираше убиство на 11 милиони луѓе, од кои 6 милиони Евреи.
Во каталогот се наведува дека часовникот најверојатно му бил даден на Хитлер како роденденски подарок во 1933 година, а бил конфискуван како сувенир од француските војници кои ја окупирале неговата планинска куќа во Бергхоф на 30 мај 1945 година.
На аукцијата беа продадени и фустанот што ѝ припаѓал на љубовницата на Хитлер, Ева Браун, фотографии од нацистичките водачи со потписи и ѕвездата што Евреите мораа да ја носат на својата облека за време на Холокаустот.
Во документите кои ги подготвила аукциската куќа се наведува дека е невозможно да се докаже дали Хитлер го носел овој часовник, но дека експертите заклучиле дека постои апсолутна можност тој да му припаѓа на Хитлер. Но, аукциската куќа не ја постигна планираната цена од 2 до четири милиони долари за која процени дека часовникот може да се продаде.
