Фудбал

Распродажба во Барса: До недела треба да собере 70 милиони евра

25. јуни 2019 - 19:18 | МИА

Раководството на Барселона сака итно да се раздели со некои свои фудбалери, за да ја наполни својата каса, тврди Marca.

Според весникот, каталонскиот клуб треба да инкасира 70 милиони евра од продажба на играчи, за да не ја заврши финансиската година во загуба.

Токму затоа договорот за Јаспер Силесен ќе биде остварен како продажба и потоа ќе биде купен Нето. Така клубот ќе земе приход меѓу 25 и 30 милиони евра за холандскиот голман и денови подоцна ќе ги врати, за да го донесе голманот на Валенсија.

Други играчи кои се дел од распродажбата на Барса и чекаат на излезна врата се Андре Гомеш, Рафиња и Денис Суарез.

Најблиску до разделба со Барса е Португалецот Гомеш, кој ќе биде купен од Евертон за 25 милиони евра.

Големите финансиски операции на „Камп Ноу“ ќе се извршат по 1 јули, кога почнува новата финансиска година.

Коментирај