Доколку сте љубител на пити, ви го предложуваме овој рецепт за домашна пита со сливи и бадеми. Се подготвува лесно и е одличен за оние кои се почетници во кујната.
Состојки:
1 пакување лиснато тесто
500 гр. зрели сливи
80 гр. кафеав шеќер
50 гр. бадеми
Половина лимон
Едно јајце
Начин на подготовка:
Загрејте ја рерната на 220 степени. Лиснатото тесто ставете го на хартија за печење.
Измиените сливи исечете ги на кришки, промешајте ги со шеќер и сок од лимон и наредете ги на тестото.
На краевите оставете слободен простор од кој ќе направите корка.
Премачкајте ја корката со јајце, печете 5 минути а потоа намалете ја температурата на 200 степени.
Печете уште 10 минути додека тестото да добие златеста боја, а сливите да станат меки. Пред да послужите, наредете бадеми одозгора.
