Живот

Ричард Бренсон чекор поблиску до вселенскиот туризам

13. декември 2018 - 18:19 | Б.С.Б.

Сопственикот на Virgin Galactic, бизнисменот Ричард Бренсон со најновиот пробен лет на вселенското летало е чекор поблиску до реализирање на вселенски туризам.

Од компанијата велат дека во текот на четвртото тестирање вселенскиот брод за туристички патувања имало за цел да лета повисоко и побрзо. Неговата намера првично била да достигне висина од над 80 километри надморска висина.

Бренсон во вселенските патувања инвестира од 2004 година, кога и ја основа компанијата за вселенски туризам. Бренсон, Елон Маск и Џеф Безос се натпреваруваат кој прв ќе однесе патници во вселената.

Компанијата Virgin Galactic  во 2008 година за прв пат вети летови за туристи, во рок од 18 месеци. Оттогаш даваа слични ветувања дека летовите во вселената би станале реалност во блиска иднина.

Но, одложувањата во 2014 година со смртоносен исход ги спречија амбициите на Ричард Бренсон. Најновиот лет беше над пустината Мохаве во Јужна Калифорнија, со двајца пилоти и успеа да стигне до работ на вселената.

Коментирај