Познатиот пејач Роби Вилијамс со години важи за една од најпопуларните светски ѕвезди, а освен што има магичен глас, го сметаат и за вистински секс-магнет за многу жени.
Сепак, често добиваше коментари дека треба повеќе да се грижи за својот физички изглед, поради што пејачот се фокусираше на слабеење.
Фотографиите кои изминатиов период можеа да се видат на социјалните мрежи јасно покажаа дека тој конечно успеа да се ослободи од вишокот килограми и линијата да ја доведе до совршенство.
Роби успеа да изгуби значителен број килограми пред премиерата на неговиот последен албум. Исто така, тој спомна дека дебелината во неговиот случај е предизвикана од тоа што не може умерено да ја јаде храната што ја сака, вклучително и слатките.
„Изгубив тежина, но тоа е постојана борба. Во мене има џиновска личност. Целото мое битие и целото мое тело сакаат да одам во спротивна насока и да бидам морбидно дебел. Во моментов само јадам помалку. Тоа е постојана грижа и не е природен начин на живеење. Зашто за мене е нормално да бидам двојно поголем“, изјави тој за Mirror.
Роби открил дека работата бара од него да влезе во штос, па почнал да вежба секојдневно, што заедно со прилагодувањето на исхраната довело до одлични резултати. Истакна и дека за него нема средина, или е покрупен или послаб.
„Се мразев себеси и мислев дека не можам да пеам и изгледав како гомно. Ако некој мислеше дека се шетам наоколу мислејќи дека сум важен, всушност беше сосема поинаку“, рече тој.